Doha 49

सुनु लंकेस सकल गुन तोरें। तातें तुम्ह अतिसय प्रिय मोरें।। राम बचन सुनि बानर जूथा। सकल कहहिं जय कृपा बरूथा।।

sunu laṃkesa sakala guna toreṃ। tāteṃ tumha atisaya priya moreṃ।। rāma bacana suni bānara jūthā। sakala kahahiṃ jaya kṛpā barūthā।।

सुनत बिभीषनु प्रभु कै बानी। नहिं अघात श्रवनामृत जानी।। पद अंबुज गहि बारहिं बारा। हृदयँ समात न प्रेमु अपारा।।

sunata bibhīṣanu prabhu kai bānī। nahiṃ aghāta śravanāmṛta jānī।। pada aṃbuja gahi bārahiṃ bārā। hṛdayam̐ samāta na premu apārā।।

सुनहु देव सचराचर स्वामी। प्रनतपाल उर अंतरजामी।। उर कछु प्रथम बासना रही। प्रभु पद प्रीति सरित सो बही।।

sunahu deva sacarācara svāmī। pranatapāla ura aṃtarajāmī।। ura kachu prathama bāsanā rahī। prabhu pada prīti sarita so bahī।।

अब कृपाल निज भगति पावनी। देहु सदा सिव मन भावनी।। एवमस्तु कहि प्रभु रनधीरा। मागा तुरत सिंधु कर नीरा।।

aba kṛpāla nija bhagati pāvanī। dehu sadā siva mana bhāvanī।। evamastu kahi prabhu ranadhīrā। māgā turata siṃdhu kara nīrā।।

जदपि सखा तव इच्छा नाहीं। मोर दरसु अमोघ जग माहीं।। अस कहि राम तिलक तेहि सारा। सुमन बृष्टि नभ भई अपारा।।

jadapi sakhā tava icchā nāhīṃ। mora darasu amogha jaga māhīṃ।। asa kahi rāma tilaka tehi sārā। sumana bṛṣṭi nabha bhaī apārā।।

रावन क्रोध अनल निज स्वास समीर प्रचंड। जरत बिभीषनु राखेउ दीन्हेहु राजु अखंड।।49(क)।।

rāvana krodha anala nija svāsa samīra pracaṃḍa। jarata bibhīṣanu rākheu dīnhehu rāju akhaṃḍa।।49(ka)।।

जो संपति सिव रावनहि दीन्हि दिएँ दस माथ। सोइ संपदा बिभीषनहि सकुचि दीन्ह रघुनाथ।।49(ख)।।

jo saṃpati siva rāvanahi dīnhi diem̐ dasa mātha। soi saṃpadā bibhīṣanahi sakuci dīnha raghunātha।।49(kha)।।